कञ्चनपुर। नेपाली कांग्रेस कञ्चनपुरका पार्टी सभापति हरि बोहरा महाधिवेशन प्रतिनिधिमा पराजित भएका छन्।
पार्टीको १४ औँ महाधिवेशनअन्तर्गत कञ्चनपुरको निर्वाचन क्षेत्र नं २ बाट बोहरा महाधिवेशन प्रतिनिधिका लागि खुलातर्फ उम्मेदवार थिए।
सभापति बोहराले २४४ मत प्राप्त गरे। यस्तै पूर्वसांसद बलदेब बोहरा पनि महाधिवेशन प्रतिनिधिमा पराजित भएका छा्। उनले १९० मत प्राप्त गरे।
कञ्चनपुर २ मा पुरुषतर्फ १९ उम्मेदवारबीच प्रतिस्पर्धा भएको थियो । जसमध्ये दश जना निर्वाचित भएका छन् ।
निर्वाचित हुने महाधिवेशन प्रतिनिधिमा बहादुरसिंह थापा, चिन्तामणि भट्ट, हेमराज ओझा, लोकबहादुर देउवा, पुष्करराज ओझा, दलबहादुर बोहरा, मीनबहादुर सिंह, दुर्गादत्त भट्ट, उद्धव बोहरा र टीकाराम बैज छन् ।
क्षेत्र नं २ को सभापतिमा लालबहादुर सिंह विजयी भएका छन्। उनले आफ्ना निकटतम प्रतिद्वन्द्वी नवराज जोशीलाई १८४ मत अन्तरले पराजित गरेका हुन्। सिंहले ३४१ तथा जोशीले १५७ मत प्राप्त गरे।
