spot_img

spot_img

पर्साको जानकीटोला नाकाबाट खुल्यो तस्करी, सीमामा प्रहरी र तस्करबीच हातपात

बीरगञ्ज । पर्साको ग्रामीण भेगमा पर्ने भारतको सीमासँग जोडिएका दसावता, जानकीटोला र पाण्डेपुर सीमानाकाबाट दैनिक लाखौं मूल्यका सामान विनाभन्सार ओसारपसार भइरहेका छन् । नेपाल प्रहरी र सशस्त्र प्रहरी बलमा सेटिङ गरी तस्करीको लाइन चलाउन दिइएको छ ।

सशस्त्र प्रहरी बलका डिआईजी गणेश ठाडा मगर र नेपाल प्रहरीका डिआईजी उमेश रञ्जितकारले पनि तस्करी नियन्त्रणमा ठोस कदम नचाली मौनधारण गरेका छन् । नेपाल प्रहरी एवं सशस्त्र प्रहरी बलका स्थानीय युनिटका प्रमुखहरूको संरक्षणमा सीमानाकाबाट तस्करी सुरु भएको छ ।

इलाका प्रहरी कार्यालय जानकीटोला (ख) का सई शिव ओली र सशस्त्रको बोर्डर आउट पोष्ट भिखमपुरका सशस्त्र प्रहरी निरीक्षक निरन्जन कार्कीको मिलिभगत र सेटिङमा यस नाकाबाट केही तस्करहरूलाई तस्करीको लाइन दिइएको छ । यस अगाडिका सई कुल कुँवरलाई भैंसी तस्करी काण्डमा तानेर शिव ओलीलाई पर्सा जिल्ला प्रहरीबाट एसपी बेलबहादुर पाण्डेले खटाएका छन् ।

ओली र कार्कीको सेटिङमा तस्करीको लाइन पाउनेहरूमा सुनिल, महादेव, नथुनी साह, शेषनाथ, आलम, राजा, मुस्लिम छन् । यी कारोबारीहरुको सेंटिङमा जानकीटोला नाकाबाट दैनिक लाखौं मूल्य बराबरका समान भन्सार छली गरी तस्करी गर्न प्रहरीले छुट दिएको छ । सुनिल नाम गरेका व्यापारीले ७ जनाको एउटा टिम बनाई ७ वटा मोटरसाइकल प्रयोग गरी भारतको इनर्वाबाट किराना सामान, रजनीगन्धा, पानपराग, साडी, सुटिङ र कपडा, हार्डवेयर लगायतका समान सखुवा प्रसौनी गाउँपालिकाको महुवन बजारमा लागेर दिने गरेका छन् ।

महादेव नाम गरेका व्यक्ति पर्सा जिल्लामा हुने भैंसी तस्करीको मुख्य तस्करको रुपमा उनी परिचित छन् । उनले जाहुल नामको व्यक्तिलाई सहायक र र रेखदेख गर्नका लागिराखेका छन । उनको ठूलो भैंसी तस्करी चलिरहेको छ । नथुनी साहले भारतबाट किराना आइटम र नेपालबाट मोटर, सुपारी, केराउको, छोगडा, मरिच, सिगरेट, मदिराका लाइन पाएका छन् । इनार्वाका कुख्यात कुखुरा तस्कर शेषनाथले स्थानीय प्रहरी युनिट प्रमुखसँग सेटिङ मिलाई नेपाल भित्र्याउन सघाउने गरेको स्थानीय तथा त्यसक्षेत्रमा कारोबार गर्ने केही व्यापारीहरुले बताएका छन् ।
ब्यापारी स्रोतका अनुसार शेषनाथले नै कुखुराहरुको सानादेखी ठुला तस्करको जिम्मा लिई स्थानीय प्रहरी प्रमुखहरुसंग मिलोमतोमा कारोबार गराइरहेका छन् । आलमले कुखुरा चल्लाको लाइन पाएका छन् । सोही नाकामा पर्ने भारत बिहार खमीया बस्ने नसरुद्दीन अंसारी र इनर्वाका राज नामका व्यक्तिले साबुनको लाइन पाएका छन् ।

भारतमा कपडा धुने साबुन सस्तो र नेपालमा महंगो भएका कारण अंसारीले भन्सारी नतिरी नेपाल पठाउने गरेका छन् । मुस्लिम मास्टरले नेपालबाट भारततर्फ पेट्रोल, डिजेल तस्करीको लाइन पाएका छन् । भारतमा भन्दा नेपालमा पेट्रोल डिजल सस्तो भएकाले भारततर्फ ड्रमका ड्रम तस्करी हुँदैआएको छ । आयल निगमले भारतसँग महंगोमा किनेको पेट्रोल डिजल भारततर्फ तस्करी गराउन प्रहरी र सशस्त्रले नै लाइन दिएका छन् । स्थानीय प्रहरी र सशस्त्रका युनिट इन्चार्जहरुले लाइन दिई तस्करी गराउँदैआएको कुरा शनिबार बिहान ३ बजे भारततर्फ लैजाने क्रममा बालुवा बोकेको ट्याक्टर नियन्त्रणमा लिन खोज्दा भएको विवादले पुष्टि गरेको छ ।

नेपालबाट चोरी निकासी गरी ट्याक्टरमा लोड गरी भारततर्फ बालुवा तस्करी गर्ने क्रममा इलाका प्रहरी कार्यालय पोखरियाबाट खटिएको प्रहरी टोलीले नियन्त्रणमा लिन खोज्दा विवाद भएको थियो । बालुवा बोकेको ट्याक्टर नियन्त्रणमा लिन खोज्दा सीमानाकामा प्रहरी र तस्करबीच हात हालाहाल भएको थियो । बालुवा कारोबारी र प्रहरी टोलीबीच झडप हुँदा तस्करहरुको ग्रुपले ट्याक्टर भगाउन सफल भएका थिए । ट्याक्टर छुटाएर भाग्ने क्रममा एक तस्करको भारतीय नम्बर प्लेटको सुपर स्पलेन्डर ब्रान्डको रातो कलरको मोटरसाइकल नियन्त्रणमा लिई ईप्रका पोखरियामा ल्याइएको छ ।

LEAVE A REPLY

Please enter your comment!
Please enter your name here

Latest

रास्वपाको भ्रष्टाचार शुन्य शासन व्यवस्थाको मूल मन्त्र- सचिव शंकर श्रेष्ठ

वीरगंज, ७ असार । राष्ट्रिय स्वतन्त्र पार्टीको सामाजिक संगठन सचिव शंकर श्रेष्ठले भ्रष्टाचार शुन्य शासन व्यवस्थाको मूल मन्त्र लिएर वैकल्पिक शक्तिको...

विषाक्त मदिरा पिउँदा ३४ जनाको मृत्यु

मुम्बई, ६ असार: भारतमा विषाक्त अवैध रक्सीको सेवनबाटे कम्तिमा ३४ जनाको ज्यान गएको साथै एक सयभन्दा बढीलाई अस्पताल भर्ना गरिएको तमिलनाडु...

हावाहुरीले रुख ढल्दा विद्युत् प्रसारण लाइनमा क्षति

वीरगंज, ६ असार । पूर्व–पश्चिम १३२ केभी प्रसारण लाइनअन्तर्गत रौतहटको चपुर सबस्टेसनबाट बाराको पथलैया सबस्टेसनको १३२ केभी प्रसारण लाइनमा रूख ढलेर...

रामराजा क्याम्पस प्रमुखको गोली हानी हत्या, दुईजना पक्राउ

बारा, ३२ जेठ । बारा जिल्लाको कलैयास्थित रामराजा बहुमुखी क्याम्पसका प्रमुख हरिभूषण कुशवाहाको गोली हानी हत्या गरेको घटनामा संलग्न रहेको आशंकामा...

४२ जनाद्वारा रक्तदान, रक्तदाताहरु सम्मानित

वीरगंज, ३२ जेठ । विश्व रक्तदाता दिवसको अवसरमा वीरगंजको भारतीय महावाणिज्य दूतावासले रेडियो वीरगंजको समन्वयमा आयोजना गरेको रक्तदान कार्यक्रममा ५ महिलासहित...

तराईमा तातो हावाको लहर बढ्नसक्ने, सतर्कता अपनाउन अनुरोध

काठमाडौँ, २७ जेठ : जल तथा मौसम विज्ञान विभागले आगामी केही दिनसम्म देशभरको तापक्रमको अवस्था विश्लेषण गर्दा तराईका भूभागमा अत्यधिक गर्मीको...
spot_img
spot_img

सम्बन्धित समाचार

रास्वपाको भ्रष्टाचार शुन्य शासन व्यवस्थाको मूल मन्त्र- सचिव शंकर श्रेष्ठ

वीरगंज, ७ असार । राष्ट्रिय स्वतन्त्र पार्टीको सामाजिक संगठन सचिव शंकर श्रेष्ठले भ्रष्टाचार शुन्य शासन व्यवस्थाको मूल मन्त्र लिएर वैकल्पिक शक्तिको रुपमा पार्टी अगाडि...

विषाक्त मदिरा पिउँदा ३४ जनाको मृत्यु

मुम्बई, ६ असार: भारतमा विषाक्त अवैध रक्सीको सेवनबाटे कम्तिमा ३४ जनाको ज्यान गएको साथै एक सयभन्दा बढीलाई अस्पताल भर्ना गरिएको तमिलनाडु राज्यका अधिकारीले बिहीबार...

हावाहुरीले रुख ढल्दा विद्युत् प्रसारण लाइनमा क्षति

वीरगंज, ६ असार । पूर्व–पश्चिम १३२ केभी प्रसारण लाइनअन्तर्गत रौतहटको चपुर सबस्टेसनबाट बाराको पथलैया सबस्टेसनको १३२ केभी प्रसारण लाइनमा रूख ढलेर क्षति पुगेको छ...

रामराजा क्याम्पस प्रमुखको गोली हानी हत्या, दुईजना पक्राउ

बारा, ३२ जेठ । बारा जिल्लाको कलैयास्थित रामराजा बहुमुखी क्याम्पसका प्रमुख हरिभूषण कुशवाहाको गोली हानी हत्या गरेको घटनामा संलग्न रहेको आशंकामा प्रहरीले दुईजनालाई नियन्त्रणमा...

४२ जनाद्वारा रक्तदान, रक्तदाताहरु सम्मानित

वीरगंज, ३२ जेठ । विश्व रक्तदाता दिवसको अवसरमा वीरगंजको भारतीय महावाणिज्य दूतावासले रेडियो वीरगंजको समन्वयमा आयोजना गरेको रक्तदान कार्यक्रममा ५ महिलासहित ४२ जनाले रगत...

तराईमा तातो हावाको लहर बढ्नसक्ने, सतर्कता अपनाउन अनुरोध

काठमाडौँ, २७ जेठ : जल तथा मौसम विज्ञान विभागले आगामी केही दिनसम्म देशभरको तापक्रमको अवस्था विश्लेषण गर्दा तराईका भूभागमा अत्यधिक गर्मीको सम्भावना रहने भएकाले...