तिलावे पुल कहिले बन्छ ? भन्दै जिल्ला प्रशासन कार्यलयको गेटमा स्थानिय युवाहरुद्वारा गठित दवाव समुहले धार्ना दिदै विरोध प्रदर्शन गरेका छन्। पर्साको ग्रामीण भेगलाई सदरमुकाम बीरगन्जसँग जोड्ने तिलावे पुल निर्माणार्थ विगत १ हप्तादेखि स्थानिय युवाहरु संघर्षरत छन् । निर्माणको ठेक्का पाएको पप्पु÷लुम्बिनी जेभि(जाेइन्ट भेन्चर)ले ६ वर्षमा पनि पुल निर्माण नगर्दा स्थानिय युवाहरुले दबाब समूह नै बनाएर विरोध गरिरहेका छन् ।
पुल समयमा निर्माण नहुँदा दिनहुँ ओहोरदोहोर गर्ने सर्वसाधारणहरुलाई घण्टौ जामको समस्या भोग्नु परिरहेको भन्दै तिलावे पुलकाे टुङगाे नलागे सम्म यस्काे विरोध निरन्तर जारीरहने स्थानिय युवाहरुले बताएका छन् । उनीहरूले यसअघि पुल बनाउन माग राख्दै स्थानीय प्रशासन, हुलाकी राजमार्ग आयोजना कार्यालय, पर्साका प्रमुख राजनितिक दललाई ध्याकर्षण, हस्ताक्षर संकलन तथा पुलमा प्रदर्शन समेत गरिसकेका छन् ।
