राप्रपा नेपालको चुनावी सभालाई सम्बोधन गर्न लिंगदेन वीरगंज आउने

वीरगंज, २७ चैत । राष्ट्रिय प्रजातन्त्र पार्टी, पर्साले आज नेपाल पत्रकार महासंघ पर्साको सभाकक्षमा पत्रकार सम्मेलन गरी मंगलवार अध्यक्ष राजेन्द्र लिङ्गदेन वीरगंजको चुनावीसभामा सम्बोधन गर्ने जनाएको छ । राप्रपा पर्साका अध्यक्ष सोमेश्वरनाथ उपाध्यायले भोलि बिहान ११ बजे अध्यक्ष लिङ्गदेनलगायत पशुपतिशम्शेर जबरा, प्रकाशचन्द्र लोहनी, महामन्त्री भुवन पाठक, मधेश प्रदेश अध्यक्ष भरत रेग्मीलगायतले सम्बोधन गर्ने बताए । पत्रकार सम्मेलनमा पर्साका अध्यक्ष अङ्गद ठाकुरलगायतको सहभागिता थियो ।