काठमाडौः पछिल्लो २४ घण्टामा थप २ सय ६३ जनामा कोरोना संक्रमण पुष्टी भएको छ।
स्वास्थ्य तथा जनसङ्ख्या मन्त्रालयले दिएको जानकारी अनुसार ३ हजार १ सय ६५ जनामा गरिएको परीक्षणमा २ सय ६३ जनामा संक्रमण देखिएको हो। देशभर संक्रिय संक्रमितको सङख्या ५ हजार ४ सय ३४ पुगेको छ। सोही अवधिमा देशभर ५ सय १ जना कोरोनामुक्त भएका छन्।
२४ घण्टाको अवधिमा संक्रमणबाट २ जनाको मृत्यु भएको छ। अहिलेसम्म देशभर संक्रमणबाट ११ हजार ९ सय ८६ जनाको मृत्यु भएको छ।
