वीरगञ्ज, २६ पुष । सशस्त्र प्रहरीले श्रोत नखुलेको साढे १४ लाख रकमसहित १ जना भारतीय नागरिकलाई पक्राउ गरेको छ ।
रौतहटको परोहा नगरपालिका वडा नम्बर १ झिङ्गवा बेलबिछुवामा सशस्त्र प्रहरी नायब निरीक्षक बम बहादुर दर्जीको नेतृत्वमा ७ जना, स्थित औरैयाबाट सशस्त्र प्रहरीले उक्त रकम बरामद गरेको हो ।
नेपाल भारत सिमा क्षेत्रको मनमोहन गेटबाट नेपाल आउँदै गरेको मोटरसाइकललाई चेकजाँच गर्ने क्रममा श्रोत नखुलेको १४ लाख बरामद भएको सशस्त्र प्रहरीले जनाएको छ । बिआर ०५ एजी ८०५६ नम्बरको मोटरसाइकलमा सवार भारत बिहार पूर्वी चम्पारण जिल्ला तिलहराकला ७ का ३९ वर्षीय सञ्ज्य कुमार जैसवाललाई सशस्त्र प्रहरीले पक्राउ गरेको हो ।
जैसवालले लगाएको जुत्ताको मोजाभित्र र मोटरसाइकलको सिट मुनीबाट नगद १४ लाख बरामद भएको हो । बरामद भएको नगद सहित जैसवाललाई आवश्यक कारवाहीका लागी भंसार कार्यालय पठाइएको सशस्त्र प्रहरीले जनाएको छ ।
