
वीरगंज, ४ कात्तिक ।
पर्साको टिहुकी, भेडिअर्वा नाकाबाट खुलेयाम तस्करी, असलीमा इन्स्पेक्टर र असई वीरगंज । पर्साको पश्चिमी ग्रामिण भेगमा पर्नेमा नेपाल–भारत सिमानाकासंग जोडिएको टिहुकी हुँदै खुलेयाम तस्करी भईरहेको पाईएको छ ।
खुल्ला सीमानाकाको फाइदा उठाउँदै सीमावर्ती क्षेत्रमा तस्करहरूको रजगज कुनै नौलो विषय हैन । सीमानाकाबाट हुने आपराधिक गतिविधि तथा चोरी तस्करी नियन्त्रण गर्न नेपाल सरकारले ठाउँ–ठाउँमा सशस्त्र प्रहरी र नेपाल प्रहरी परिचालन गरेको छ ।
तर भारतसँग जोडिएको पर्साको ग्रामिण भेगमा पर्ने टिहुकी र भेडिअर्वा नाकाबाट खुलेयाम तस्करी भईरहेको पाईएको हो । जुन तस्करीको लाईनका लागि तस्कर समूहले प्रहरी चौकी टिहुकीका असई संजय कुमार सिंह र सशस्त्र प्रहरी बल बिओपी मिर्जापुरका प्रहरी निरिक्षक (इन्स्पेक्टर) केशव सुवेदिलाई समेत आर्थिक प्रभावमा पारी मिलाई सकेको स्थानीय बताउँछन् । जुन मिलेमतो रहेको कुरा प्रहरी स्रोतले पनि दाबी गरेकोे छ ।
चाडपर्वको रौनक थपिएसंगै भारतको परसोतीपुर बजारबाट टिहुकी नाका हुँदै र भारतको भेडिअर्वादेखी नेपालको भेडिअर्वा नाका हुँदै दिनहु लाखौं मूल्य बराबरको कपडा, गेहुँ, धान, काजु, कुखुरा र कुखुराको चल्ला, राँगा भैसी लगायतको मालसामान तस्करीमार्फत नेपाल भित्रिरहेको छ ।
यस्तै, पर्साको मिर्जापुर भलुवहीया नाकाको प्रयोग गरि ठुलो परिणाममा टायर, स्क्रेप व्याट्री, बालुवा गिट्टी लगायतका सामग्री तस्करी माफर्त नै भारतको बसन्तपुर र मैनाटार बजारमा जाने गरेकोे छ ।
छिपहरमाई गाउँपालिका वडा नं. २ का वडाअध्यक्ष महिन्द्र साह कलवारले सो विभिन्न नाकाहरु प्रयोग गरि भारतबाट गहँुको तस्करी गर्ने गरेको स्थानीय बताउँछन् । स्थानीयका अनुसार साहेव मियाँ तेली, गुलसन मियाँले पनि धान र गहुँको तस्करी गर्ने गरेको स्थानीय बताउँछन् । यस्तै, धनीलाल, हिमतलाल साह लगायतले बालुवा गिट्टीको तस्करी गर्ने गरेका छन् । वडाअध्यक्ष साहले आफ्नै वडामा पर्ने टिहुकी नाकाबाट गत असोज २७ गते शनिबारका दिन भारतबाट तस्करीको माध्यमबाट दुई ट्याक्टर गेहुँ आयात गरेको स्थानीयले बताए ।
गुलशन मियाँले पनि सोही दिन सोही नाकाबाट दुई ट्याक्टर धान, गहुँ भित्रियाएका थिए । यसरी नै प्रत्येक महिना यी तस्करी गर्ने व्यक्तिहरुले प्रहरीकै संरक्षमणमा मासिक संयौं ट्याक्टर धान, गहुँ भित्रियाउने गरेको स्थानीय बताउँछन् । जुन प्रत्यक्ष रुपमै पाईएको छ ।
सशस्त्र प्रहरी बल मिर्जापुरका प्रहरी निरिक्षक (इन्स्पेक्टर) केशव सुवेदी भारतबाट हुने गहुँ तस्करी बापत प्रति ट्याक्टर ४ हजार लिने गरेको छन् प्रहरी चौकी टिहुकीका असई संजय कुमार सिंहले भने ३ हजार लिने गरेको नाम नराख्ने सर्त मा एक जना प्रहरी बताउँछन् ।