वीरगंज । नेपाल विद्युत् प्राधिकरण वीरगंज वितरण केन्द्रका कर्मचारीहरूबीच कुटपिट भएको छ । केन्द्रका हेल्पर प्रेमदास तत्वा र स्टोर इन्चार्ज रामसुन्दर दासबीच आज बिहान केन्द्र परिसरमै थप्पड हानाहान तथा चप्पल प्रहार गर्दै कुटपिट भएको हो ।
हेल्पर तात्वाले निजी कामको लागि सरकारी लिएर गइरहेकोले गेटमा रोक्न रोक्दा विवाद उत्पन्न भएर कुटपिट भएको थियो ।
स्टोर इन्चार्जलाई हेल्पर तत्वाले चप्पल प्रहार गरेको कर्मचारीहरूको आरोप छ । तर विवाद साम्य गर्न केन्द्रका प्रमुख अवधेशकुमार दुवेले दुवै पक्षलाई कार्यकक्षमा बोलाएर छलफल गरिरहेको समयमा सहायक इन्जिनियर चन्द्रिका सिंहले तत्वाको कठालो समाएर घाँटी थिचेको प्रत्यक्षदर्शीहरूले बताएका छन् ।
विवाद विषयमा केन्द्रका प्रमुख अवधेशकुमार दुवेले सामान्य विवादमा दुवैबीच झगडा भएको स्वीकार्दै दुवै पक्षलाई बसाएर छलफलको माध्यमबाट मिलापत्रसमेत गराइसकेको जानकारी दिए ।
उनले हेल्पर तत्वाको व्यवहार दिक्कलाग्दो भएकोमा दुःख व्यक्त गर्दै विभागीय कारबाहीको लागि आपूmले प्रक्रिया अगाडि बढाउने बताए ।
