spot_img

spot_img

बर्सेनि हुरीले भत्काउँछ रामसृष्ठको घर

[ad_1]

७ जेठ, जनकपुरधाम । बस्तीभन्दा झण्डै दुईसय मिटर पर चौरमा छ एउटा छाप्रो । जसको छानोको धेरैजसो भाग उजाड छ । भत्केको जस्तो देखिने यो घरमा मान्छे बस्दैनन् भन्ने धेरैलाई लाग्न सक्छ ।

तराई मधेशमा उखरमाउलो गर्मीसँगै हावाहुरी र वर्षातको मौसम सुरु भइसकेको छ । तर ६० वर्षीय रामसृष्ठ बिन र उनकी ५५ वर्षीया श्रीमती मुंगा बिनको ओत लाग्ने एकमात्र ठाउँ हो यो घर। ‘हाम्रो सम्पत्ति यति हो हजुर, १० धुर जग्गा र यो घर । यो घर पनि हुरीले तहसनहस पारिदियो’, धनुषाको मुखियापट्टी मुसहरनियाँ गाउँपालिका-२ का रामसृष्ठ घरको छानो देखाउँदै भन्छन्।

गत १९ वैशाखको दिउँसो आएको हावाहुरीले बिन दम्पत्तिको घरको छनो उडायो । हावाहुरी आउँदा रामसृष्ठ घरमै थिए भने श्रीमती बाहिर थिइन्। हावाहुरीले छानो उडाएपछि लगत्तै असिना पानी आउन थाल्यो रामसृष्ठ खाद्यान्न र लत्ताकपडा बचाउने प्रयासमा लागे।

‘एकाएक ठूलो हुरी आयो, घरको एलिबेस्टर उडायो । यतातिरको टाट खस्यो, असिना पानी जोडजोडले पर्न थाल्यो’, रामसृष्ठ त्यस बखतको घटना सुनाउँदै भने।

उनको घर हावाहुरीले उडाएको पहिलो पटक होइन । पाँच वर्षदेखि बर्सेनि यस्तो विपत्तिको सामना गर्नु रामसृष्ठको नियती बनेको छ । अब फेरि कसरी मर्मत सम्भार गर्ने र वर्षायाममा घरमा बस्ने भन्ने चिन्ताले पिरोलेको छ उनलाई।

‘वर्षमा १-२ पटक मेरो घर हावाहुरीले उडाउँछ, भत्काउँछ । फेरि जसोतसो बनाउँछु । त्यसैले हावाहुरी आउँदा पनि भाग्दिनँ। छिमेकमा अरु घर पनि टाढै छ । कति अर्काको घरमा गएर लुक्नु, जे हुन्छ हुन्छ । यो वर्ष सरकारसँग सहयोग माग्छु । दिन्छ भने दिन्छ, नत्र मजदुरी गरेर विस्तारै बनाउँछु’ रामसृष्ठ भन्छन् ।

ज्याला मजदुरी गरेर साँझबिहानको छाक टार्ने वृद्ध दम्पत्तिका दुई छोरीको विवाह भइसक्यो । उनीहरुको पनि आर्थिक अवस्था कमजोर भएकाले बाबुआमाको हेरचाह गर्न सकेका छैनन् ।

रामसृष्ठले यो ठाउँमा १० धुर जोडेर घर बनाएको पाँच वर्ष भएको छ । त्यसयता हावाहुरी र वर्षाले ६ पटक उनको घर क्षतविक्षत पारेको छ । ‘एकवर्ष त २–३ पटक नै घर भत्कायो’ उनी भन्छन् ।

हावाहुरी र वर्षाले भत्काएको घर  मर्मतसम्भारमा ५० हजार रुपैयाँ खर्च हुने रामसृष्ठ बताउँछन् । ‘आफैंले बनाउन सक्दिनँ । मिस्त्री लगाउनुपर्छ । काठ–बाँस किन्नुपर्छ । वर्षको ४०–५० हजार रुपैयाँसम्म खर्च लाग्छ’ उनी भन्छन् । बर्सेनि हावाहुरीले उडाउने घरको सट्टा पक्की घर बनाउने उनको हैसियत छैन ।

रामसृष्ठ साविक महोत्तरीको पिपरा गाउँपालिकास्थित पर्सा पिपराका बासिन्दा हुन् । आठ दाजुभाइमा जग्गा अंशवण्डा हुँदा एक-एक धुर भागमा पर्‍यो । त्यति जग्गामा लामै समय दुःखसुख गरी बिताए । तर धेरै विवाद हुन थालेपछि त्यो एकधुर जग्गा बेचेर उनले मुखियापट्टी मुसहरनियाको उत्तरबारी टोल नजिक चौरमा पौने २ लाखमा घडेरी किने र घर बनाएर बस्न थाले ।

मुखियापट्टी मुसहरनिया देशकै गहिरो र होचो ठाउँमध्येमा पर्छ । वर्षाको बेला उनको घर जलमग्न हुन्छ । बर्सेनि हावाहुरी, वर्षा र डुवानले रामसृष्ठले पीडा झेलिरहेको स्थानीय जेष्ठ नागरिक सुवेदार यादव बताउँछन् ।

‘जनमजदुरी गरेर खान्छ । तर प्रत्येक वर्ष हावाहुरीले घर उडाउँछ, भत्काउँछ । फेरि जसोतसो बनाउँछन् । वर्षामा यो भूभाग नै डुबान हुने गर्छ’ यादव भन्छन् ‘सरकारले एउटा पक्की घर बनाइदिए उनको उद्धार हुन्थ्यो । बिचरा कहिलेसम्म यसरी दुःख झेलिरहन्छ।’

रामसृष्ठसँग खानेपानीको लागि आफ्नो हाते कल छैन । अर्काले खेतमा गाडेको कलबाट खानेपानी ल्याउँदा चोरीको आरोप लाग्ने हो कि भनेर डराउँछन् । त्यसैले करिब २ सय मिटर पर नेपाल-भारत सीमा नजिक जमुनी नदीको किनारमा गाडिएको सार्वजनिक कलबाट पानी ल्याउँछन् ।

‘पहिले छिमेककै खेतमा गाडेको कलबाट पानी ल्याएर खान्थेँ । एक वर्षअघि गाउँमा मेला लागेको थियो । कलमा जडान भएको मोटर चोरी भयो । मलाई ती छिमेकीले चार ४/५ दिन सोधे, तपाईं यहीँबाट पानी खानुहुन्छ, मोटर कसले खोल्यो, हेर्नुभएन भनेर’, रामसृष्ठ सुनाउँछन् ‘त्यसबेलादेखि म त्यहाँ परबाट पानी ल्याउन थालेँ । छिमेकको खेतमा गाडेको कलबाट पानी खान डर लाग्छ।’

सरकार स्थानीय जनप्रतिनिधिले पहुँचवालालाई मात्र खानेपानीको कल दिने गरेको उनको गुनासो छ । आफूलाई विपत्तिबाट बचाउन र खानेपानीको लागि हाते कल नै दिए हुने उनको अपेक्षा छ ।

LEAVE A REPLY

Please enter your comment!
Please enter your name here

Latest

तराईमा तातो हावाको लहर बढ्नसक्ने, सतर्कता अपनाउन अनुरोध

काठमाडौँ, २७ जेठ : जल तथा मौसम विज्ञान विभागले आगामी केही दिनसम्म देशभरको तापक्रमको अवस्था विश्लेषण गर्दा तराईका भूभागमा अत्यधिक गर्मीको...

मधेस प्रदेशको मुख्यमन्त्रीमा सिंह नियुक्त

धनुषा, २५ जेठ : मधेस प्रदेशको मुख्यमन्त्रीमा जनमत पार्टीका सतिशकुमार सिंह नियुक्त हुनुभएको छ । प्रदेश प्रमुख सुमित्रा सुवेदी भण्डारीले संविधानको धारा...

अमेरिकाले पहिलाे पटक पाकिस्तानलाई हराएर इतिहास रच्यो

वीरगन्ज, २५ जेष्ठ . आइसिसी टी-२० विश्वकप क्रिकेट अन्तर्गत बिहीबार राति भएकाे राेमाञ्चक खेलमा अमेरिकाले पहिलाे पटक पाकिस्तानलाई हराएर इतिहास रचेको...

पर्सा–बाराका १९५ सहकारी सम्पर्कविहीन

वीरगंज, १७ जेठ । मधेस प्रदेशमा रहेका चार वटा जिल्लाहरूका चार सय ७२ वटा सहकारी संस्थाहरू सम्पर्कविहीन भएका छन् ।...

पर्सामा हावाहुरीले व्यापक क्षति

वीरगंज, १७ जेष्ठ । हावाहुरीका कारण पर्सामा व्यापक क्षति भएको छ भने एक जना बृद्धको मृत्यु भएको छ । एनसेलको टावर...

१६ पटक असफल भएका ‘‘पप्पु’’ बने ‘‘इन्स्पेक्टर’’

वीरगंज, १५ जेठ । भनिन्छ; धैर्यता र लगनशीलता नै सफलताको पाटो हो । दृढ अठोटका साथ सङ्कल्प गरे कुनै पनि लक्ष्य...
spot_img
spot_img

सम्बन्धित समाचार

अपहरणमा परेका व्यक्तिको २४ घण्टा नबित्दै प्रहरी निरीक्षक मोहन विक्रम केसीको अगुवाईमा भारतबाट उद्धार ,

  वीरगंज, २० कात्तिक । पर्साको कालिकामाई गाउँपालिकाबाट अपहरणमा परेका एकजना वृद्धको भारतबाट उद्धार गरिएको छ ।   कालिकामाई गाउँपालिका ४ प्रशुरामपुर निवासी ७५ वर्षीय नथुनी साह...

‘टिकटकमार्फत सामाजिक सद्भाव बिगार्नेलाई कारबाही हुन्छ’ : गृह मन्त्रालय

वीरगञ्ज । नेपाल प्रहरी र टिकटकका अधिकारीहरूबिच सामाजिक सञ्जाल टिकटकको दुरुपयोग रोक्ने विषयमा छलफल भएको छ । टिकटकमा प्रकाशन तथा प्रसारण हुने गैर कानुनी सामग्री...

भन्सार छली ल्याइएको १३९ बोरा गहुँको बिउ प्रहरीको नियन्त्रणमा 

नवल यादब कार्तिक १७ गते रौतहट - प्रहरीले भन्सार छली ल्याइएको एक सय ३९ बोरा गँहुको बिउसहित पिकअप र एक जनालाई पक्राउ गरेको छ ।प्रहरीले रौतहटको...

नारायणी अस्पतालमा सस्तो मूल्यमा एमआरआई सेवा शुरू

वीरगंज, १५ कात्तिक । वीरगञ्जको नारायणी अस्पतालमा एमआरआई मेसिन जडान गरिएको करिब ६ महिनापछि सेवा सञ्चालनमा आएको छ । नारायणी अस्पतालले गत चैत महिनामै ३० करोड...

वीरगंज पब्लिक कलेजको भवनबाट छात्रले हाम फाले

वीरगंज, १५ कात्तिक । वीरगञ्ज पब्लिक कलेज (बिपिसी) मा अध्ययनरत एक छात्रले क्याम्पसकै भवनबाट हाम फालेर आत्महत्याको असफल प्रयास गरेका छन् । कलेजको कक्षा १२ मा...

सर्राफ हत्या प्रकरणः दशजना पक्राउ, बजार बन्द, अन्त्येष्टि गरियो

बारा १४ कात्तिकः गोली प्रहारबाट हिजो मृत्यु भएका बाल एकता बोर्डिङ स्कुलका प्रिन्सिपल रुपेश सर्राफको मङ्गलवार हिन्दू परम्पराअनुसार दाह संस्कार गरिएको छ । पसहा खोलमा...