वीरगंज – ३० वैशाख। आफुलाई घुमुवा बताएर वीरगंजका व्यापारी संग अवैध रूपमा रकम माग गर्ने र नदिने व्यापारी संग कुटाकुट गरेका सशस्त्र प्रहरीका एक सहायक हवलदार निलम्बनमा परेका छन् ।
सशस्त्र प्रहरी बल नेपाल नम्बर १३ गण पर्साका सशस्त्र प्रहरी उपरीक्षक सुमन थपलियाको घुमुवा बताएर वीरगंजका व्यापारी संग रकम मांग गरेका र नदिएपछी कुटाकुट गरेका सशस्त्र प्रहरी सहायक हवलदार जितेन्द्र सहनी निलम्बनमा परेका हुन।
सशस्त्र प्रहरी बल, नेपाल नं. १३ गण हे.क्वा. पर्सा दरबन्दी भएका आई.डि.नं. ४५०६४ का सशस्त्र प्रहरी सहायक हवल्दार जितेन्द्र सहनी रवाना गरेको कार्यालयमा हाजिर हुन नगई सशस्त्र प्रहरी कर्मचारीको आचरण विपरीत जिल्ला पर्सा वीरगंज महानगरपालिकाको बसपार्क ईलाकामा गई स्थानीय व्यपारीसँग झैझगडा गरी सशस्त्र प्रहरी बल, नेपालको प्रतिष्ठामा आँच आउने कार्य गरेको हुँदा निज सशस्त्र प्रहरी सहायक हवल्दारलाई सशस्त्र प्रहरी नियमावली २०७२ बमोजिम आवश्यक छानबिनको लागि सशस्त्र प्रहरी बल, नेपाल नं. २ छिन्नमस्ता बाहिनी मुख्यालय महोत्तरीबाट निलम्बन गरिएको सशस्त्र प्रहरी बलले जनाएको छ।
