२० माघ, वीरगञ्ज । भालुले आक्रमण गर्दा पर्साको ठोरी गाउँपालिकामा दुई जना घाइते भएका छन् ।

ठोरी गाउँपालिका-३ रामनगर बस्ने बिबिलाल लोप्चन र सुकमाया तामाङ घाइते भएका हुन् । उनीहरु श्रीमान श्रीमति हुन् ।

शुक्रबार दिउँसो जंगलबाट घाँस लिएर फर्कने क्रममा सुकमाया तामाङलाई भालुले आक्रमण गरेको थियो । सुकमायालाई बचाउन गएका बिबिलाल पनि घाइते भएको स्थानीय नारायण खडकाले जानकारी दिए ।

जंगल क्षेत्रबाट निस्किएका ३ वटा भालुले आक्रमण गर्दा सुकमायाको अनुहारमा चोट लागेको छ भने बिबिलाल सामान्य घाइते छन् ।

घाइते दुवैजनालाई नारायणी अस्पताल वीरगञ्जमा उपचारका लागि ल्याइएको छ ।



Source link

प्रतिक्रिया

सम्बन्धित खवर

ताजा समाचार

लोकप्रिय