वीरगंजः चार वर्षीय बालिकालाई बलात्कारपछि हत्या गरेको अभियोगमा वीरगंजमा दुई जनालाई प्रहरीले पक्राउ गरेको छ। साउन ५ गते घटना भएको थियो। प्रहरीले आइतबार वीरगंज २ घुसुकपुरका १९ वर्षीय जफ्रुद्दिन भन्ने सलमान खान र वीरगंज १६ नगवाका अर्का सलमान खानलाई पक्राउ गरेको हो।
बालिकाको जफ्रुद्दिनसहित ४ युवकले जबर्जस्ती करणी गरी हत्या गरेको प्रहरीको प्रारम्भिक अनुसन्धानबाट खुलेको छ। बालिकाको शनिबार बिहान वीरगंज २ छपकैया घुसुकपुरस्थित खाली जग्गाको झाडीमा शव फेला परेको थियो।
पक्राउ परेकामाथि जबर्जस्ती करणी तथा ज्यानसम्बन्धी कसुरमा पर्सा जिल्ला अदालतबाट ५ दिनको म्याद थप गरी अनुसन्धन भइरहेको पर्सा प्रहरीका प्रवक्ता डिएसपी प्रह्लाद कार्कीले जानकारी दिए।
घटनामा संलग्न अन्य दुई जनाको खोजी भइरहेको प्रहरीले जनाएको छ।
