काठमाडौं : चिनियाँ कम्युनिस्ट पार्टीका विदेश विभाग प्रमुख लिउ जियानचाओले नेकपा एमालेका अध्यक्ष केपी शर्मा ओलीसँग भेट गरेका छन्। मंगलवार ओली निवास बालकोट पुगेर लिउले ओलीसँग भेटेका हुन्।
भेटमा दुई देशको हित र पार्टीको हितबारे कुराकानी भएको बताइएको छ। आइतवार नेपाल आएका लिउले प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्डसँग भेटिसकेका छन्। उनी चार दिने भ्रमणका लागि नेपाल आइपुगेका हुन्।
