वीरगंज, ५ माघ । मधेस प्रदेशका मुख्यमन्त्री लालबाबु राउतले सिरहाको लहानस्थित रमेश महतोको शालिकमा माल्यार्पण गरेका छन् । मुख्यमन्त्री राउतले बुधबार लहान पुगेर सहिदको सालिकमा माल्यार्पण गरेका हुन् । महतो मधेश आन्दोलनका प्रथम सहिद हुन् । प्रत्येक वर्ष माघ ५ गते मधेश सरकारले भव्य रुपमा बलिदान दिवस मनाउने गरेको छ । यो वर्ष पनि सप्तरीको राजविराजमा बलिदानी सभाको आयोजना गरिएको छ । प्रदेश सरकारले मधेस प्रदेश भरि आज सार्वजनिक बिदा दिएको छ ।
