कलैया । इलाका प्रहरी कार्यालय सिमरा,बाराले लाखौं मुल्य बराबरको भन्सार छलीको गहना सहित एक जनालाई पक्राउ गरेको छ । बिशेष सूचनाको आधारमा खटिएको प्रहरी टोलीले जीतपुरसिमरा उप–महानगरपालिका–.१ स्थित नेपाल टेलिकम अगाडि गहना सहित एक जनालाई पक्राउ गरेको हो । गहना सहित पक्राउ पर्नेमा भारत बिहार मोतिहारी जिल्ला ढाका बस्ने वर्ष २३ का सुनिल गुप्ता रहेको इलाका प्रहरी कार्यालय सिमराका प्रहरी नायब उपरीक्षक मनोजित कुँवरले जानकारी दिए । वीरगञ्ज पथलैयातर्पm जाँदैँ गरेको ना ३३ प ८५२६ नम्बरको मोटरसाईकलको तेल ट्याÍीको भित्र फल्स बट्न बनाई लुकाई छिपाई ल्याउँदै गरेको अवस्थामा ११ लाख ३५ हजार ९ सय ७३ रुपियाँ बराबरको १० किलो तयारी गहना प्रहरीले बरामद गरेको हो । बरामद गहनामा चाँदीको गहना पाउँजु,बाला,चाबि रिङ्ग,बुट्टी तथा कल्ली समेत बरामद भएको छ । बरामद गहना,मोटरसाईकल र व्यक्तिलाई आवश्यक कारबाईको लागि राजश्व अनुसन्धान कार्यालय,पथलैया बारामा पठाईएको इलाका प्रहरी कार्यालय सिमराले जनाएको छ ।
