काठमाडौं: प्रधानमन्त्री कप टी २० राष्ट्रिय क्रिकेट अन्तर्गत आज मुलपानीमा जारी खेलमा नेपाल पुलिस क्लबले सुदूरपश्चिम प्रदेशलाई ९४ रनको लक्ष्य प्रस्तुत गरेको छ।
टस हारेर ब्याटिङमा उत्रिएको पुलिसले निर्धारित २० ओभरमा ८ विकेट गुमाउँदै ९३ रन बनाएको हो।
पुलिसका लागि ओपनर कुशल भुर्तेलले सर्वाधिक २१ रन बनाउँदा पवन सर्राफले २० र आरिफ शेखले १० रनको योगदान दिए।
सुदूरपश्चिमका लागि नारायण जोशी र आदित्य महताले सर्वाधिक ३/३ विकेट लिँदा शेर मल्लले २ विकेट लिए।
सुदूरपश्चिम जवाफी ब्याटिङमा उत्रिएको छ।
