काठमाडौँः कोभिड–१९ संकट व्यवस्थापन समन्वय केन्द्र (सिसिएमसी) ले माघ १५ गतेसम्म विद्यालय बन्द गर्न सिफारिस गरेको छ। कोरोनाको सम्भावित जोखिमलाई मध्यनजर गर्दै विद्यालय बन्दको सिफारिस गरिएको हो।
आइतबार बसेको बैठकले विद्यालय बन्द गर्न शिक्षा विज्ञान तथा प्रविधि मन्त्रालयलाई सिफारिस गरेको सिसिएमसीका सचिव रामप्रसाद थपलिायाले बताए।
पछिल्लो समय ओमिक्रोन भेरियन्ट फैलिँदै गएको छ।
प्रधानमन्त्री शेरबहादुर देउवा नेतृत्वको सिसिएमसी निर्देशक समितिले यसअघि आवश्यकता अनुसार विद्यालय लगायत बढी भीडभाड हुने क्षेत्र बन्द गर्ने र स्मार्ट लकडाउन गर्नेसम्मका विषयमा छलफल गरेको थियो। सो परामर्शपछि आइतबार बसेको बैठकले विद्यालय बन्दको सिफारिस गरेको हो।
अहिले दैनिक एक हजारको हाराहारीमा नयाँ संक्रमित थपिँदै गएका छन्। परीक्षणको सात प्रतिशतभन्दा बढीमा संक्रमण पुष्टि भइरहेको छ।