वीरगञ्ज, २२ पुष । वीरगञ्जमा मोटरसाईकल चोरहरु सलबलाएका छन् । यसअघि मंगलवार राति पनि ३ जना मोटरसाइकल चोरलाई पक्राउ गरेको पर्सा प्रहरीले बुधवार साँझ साढे ७ बजे पुनः १ जनालाई पक्राउ गरेको छ ।
वीरगञ्ज महानगरपालिका वडा नम्बर ८ पानीट्याङ्कीस्थित सडक छेउमा पार्किङ् गरी राखिएको मोटरसाइकल चोर्ने क्रममा प्रहरीले चोलाई पक्राउ गरेको हो ।
भारत बिहार पूवी चम्पारण मोतिहारी रक्सौल ग्राम पञ्चायत बस्ने सोन बाबुु गुप्ताको बिआर २२ बि ०३८७ नम्बरको कालो रंगको हिरो होण्डा स्पलेण्डर प्लस मोटरसाइकल चोर्ने क्रममा वीरगञ्ज महानगरपालिका वडा नम्बर १४ निवासी २३ वर्षीय आशिष यादवलाई पक्राउ गरेको पर्साका प्रहरी प्रवक्ता एवम् प्रहरी नायब उपरीक्षक ओमप्रकाश खनालले बताए ।
चक्कुले लक भाँची चोरी गरी भाग्दै गरेको अवस्थामा खटिएको गस्ती टोलीले मोटरसाईकल नियन्त्रणमा लिएर यादवलाई पक्राउ गरेको हो । यादवविरुद्ध चोरी सम्बन्धी कसूरमा आवश्यक अनुसन्धान भईरहेको प्रहरी प्रवक्ता खनालको भनाई छ ।