चिनियाँ राष्ट्रपति सि चिनफिङले २०२२ को ओलम्पिक र पारा ओलम्पिक शीतकालीन खेलको तयारीको अवस्थाको अवलोकन गरेका छन्।
चिनियाँ कम्युनिस्ट पार्टीको केन्द्रीय कमिटीका महासचिवसम्त रहेका राष्ट्रपति सिले त्यहाँको नेशनल स्पीड स्केटिङ ओभल, मुख्य मिडिया सेन्टर, खेलाडीहरुका लागि बनाइएको घर, गेम टाइम अपरेसन कमाण्ड सेन्टर र शितकालीन खेल प्रशिक्षण केन्द्रको अनुगमन गरेका हुन्।
सो अनुगमनका क्रममा उनले चिनियाँ खेलाडीहरुको तयारीको अवस्था बारे जानकारी समेत लिएका थिए। उनले खेलाडी, स्वंमसेवक, प्रशिक्षकहरुलाई नयाँ वर्षको शुभकामनासमेत दिएको सिन्ह्वाले जनाएको छ।
सन् २०२२ को शीतकालीन ओलम्पिक फेब्रुअरी ४ देखि २० सम्म र पारा ओलम्पिक शीतकालीन खेलहरु मार्च ४ देखि १३ सम्म बेइजिङमा हुँदैछन्।
