वीरगञ्ज, ८ मङ्सिर- नेकपा (एमाले) को १०औँ राष्ट्रिय महाधिवेशन भोलीदेखि चितवनमा सुरु हुँदैछ ।
महाधिवेशन नजिकिएसँगै यतिबेला चितवनको नारायणी नदी किनार क्षेत्र र सौराहा क्षेत्रमा चहलपहल बढेको छ ।
एमालेका केन्द्रीय तहका नेतादेखि जनवर्गीय सङ्गठनका नेता चितवन पुग्ने क्रम जारी छ । महाधिवेशनमा सहभागी हुने प्रतिनिधि आजदेखि चितवन पुग्न थालेका एमालेले जनाएको छ ।
महाधिवेशन प्रतिनिधिका लागि सौराहामा शनिबारदेखि मात्रै बस्ने व्यवस्थापन मिलाइएको छ । महाधिवेशनको उद्घाटन समारोह हुने नारायणी नदी किनारमा मञ्च निर्माण लगायतका सम्पूर्ण तयारी पूरा भएको पार्टीले जनाएको छ ।।
