काठमाडौं। नेपाली महिला क्रिकेट टिम करातविरुद्धको टी–ट्वान्टी सिरिज क्लिन स्विप गरेको छ। दोहास्थित वेस्ट इन्ड पार्क रंगशालामा बिहीबार साँझ भएको खेलमा निरन्तर तेस्रोपटक विजय भएको हो।
नेपालले टी-ट्वान्टी सिरिजमा बुधबार निरन्तर दोस्रो खेल जित्दै जित पक्का गरेको थियो।
बिहीबार भएको खेलमा नेपालले कतारलाई १ सय ६५ रनको लक्ष्य दिएको थियो। कतारले २० ओभरमा ७ विकेटको क्षतिमा ५५ रन मात्रै जोड्यो। खेलमा कतारकी कप्तान आयशाले १४ बलमा १ छक्का र १ चौकासहित १३ रन जोडेकी थिइन् भने अरुले दोहोरो अंक छुन सकेनन्।
उक्त खेलमा नेपालको तर्फबाट सीता रानामगरले ७२ बलमा ७ चौकासहित ८२ रनमा अविजित रहिन्। योसँगै उनले इन्दु बर्माको ५५ रनको कीर्तिमानी तोडिन्।
कतारसँग जारी ३ खेलको टी–ट्वान्टी सिरिजमा नेपालले बुधबार लगातार दोस्रो खेल जित्दै सिरिज हात पारिसकेको थियो।
सिरिज अन्तर्गत नेपालले पहिलो खेलमा कतारलाई ११९ रनले पराजित गर्दै दोस्रो खेलमा ६१ रनको जित निकालेको थियो।
