नागा र सामन्था
मुम्बई(बलिउड लाइफ)– दक्षिण भारतीय फिल्मका अभिनेता नागा चैतन्य र अभिनेत्री सामन्था रुथ प्रभुको वैवाहिक सम्बन्ध टुंगिएको खबर सार्वजनिक हुनासाथ सबै अचम्मित र दुःखी बनेका थिए । ‘द फेमिली मेन’ अभिनेत्री सामन्था र ‘लाल सिंह चड्डा’ अभिनेता नागाले चार वर्षको वैवाहिक सम्बन्धलाई टुंग्याउदा त्यसको कारणबारे आ–आफ्नै अड्कलबाजी भएका थिए ।
सम्बन्धविच्छेदपछि सामन्थाले अभिनेता अल्लू अर्जुन र अभिनेत्री रश्मिका मन्दाना स्टारर फिल्म ‘पुष्पा’मा आइटम गीतमा नाँच्ने निर्णय लिएकी छन् । फिल्ममा आइटम नृत्य गर्ने निर्णय सामन्थाले नागासँग अलग्गिएपछि लिएकी हुन् ।
सामन्था निकट स्रोतका अनुसार नागा रुढीवादी व्यक्ति भएकाले सामन्थामाथि उनले कैयौं प्रतिबन्ध लगाएका थिए । त्यही कारण सामन्थाले विवाहपछि कुनै पनि फिल्ममा आइटम नृत्य गरेकी थिइनन् । उनलाई अन्य फिल्ममा अभिनयका लागि पनि नागासँग अनुमति लिनुपर्ने नियम रहेको सामन्थाको स्रोतले उल्लेख गरेको छ । सामन्था अहिले सामाजिक सञ्जालमा ट्रेण्ड बनिरहेकी छन् । सामाजिक सञ्जाल प्रयोगकर्ताले नागामाथि पुरानो सोचको मानिस भएको आरोप लगाएका छन् ।
नागा र सामन्थाले सन् २०१७ मा विवाह गरेका थिए । उनीहरुले यसै वर्षको अक्टोबर २ मा सम्बन्धविच्छेद गरेका थिए ।
