काठमाडौं। अन्तर्राष्ट्रिय बक्सिङ महासंघ (आइबा)का अध्यक्ष उमर क्रमलेभ आज काठमाडौं आइपुगेका छन्। नेपाल बक्सिङ संघको निमन्त्रणामा आइबा अध्यक्ष उमरसहित ६ सदस्सीय टोली नेपाल आएको हो।
अध्यक्ष उमरको टोलीलाई बक्सिङ संघले त्रिभुवन अन्तर्राष्ट्रिय विमानस्थलमा स्वागत गरेको थियो । संघका अध्यक्ष राम अवाले, वरिष्ठ उपाध्यक्ष अर्जुन केसीलगायतका पदाधिकारीले उमरको टोलीलाई विमानस्थल स्वागत गरे।
आइबा अध्यक्ष उमरले नेपाली बक्सिङ खेलाडी बलिया र उत्कृष्ट खेल प्रदर्शन गर्न सक्ने क्षमता भएको उल्लेख गर्दै खेल र खेलाडीलाई आफूले सक्दो सहयोग गर्ने प्रतिवद्धता व्यक्त गरे।
उमरको टोली तीन दिनका लागि नेपाल भ्रमणमा आएको नेपाल बक्सिङ संघले जनाएको छ ।
