फाइल तस्वीर
इलाम– इलाममा पर्यटनमैत्री साहित्य सम्मेलन हुने भएको छ । मंसिर १८ र १९ गते हुने सम्मेलनमा नेपाल र भारतका एकसय बढी साहित्यकारको सहभागिता रहनेछ ।
साहित्यिक पत्रकार संघ, काठमाडौँ, इलाम नगरपालिका साहित्य, कला, सङ्गीत प्रतिष्ठान र इलाम नगर पर्यटन सरोकार समितिको संयुक्त आयोजनामा सम्मेलनले नेपाल र भारतको नेपाली साहित्यिक सम्बन्धलाई अझ बलियो बनाउने तथा इलामको पर्यटन प्रवर्द्धनमा मद्दत पुग्ने विश्वास लिइएको छ ।
सम्मेनलनमा पुस्तक प्रदर्शनी, साहित्यिक परिचर्चा, वरिष्ठ लेखक एवम् संस्कृतिकर्मीसँग साक्षात्कार, साँस्कृतिक कार्यक्रम, सम्मान कार्यक्रम, कवि सम्मेलन तथा इलाममा पर्यटकीयस्थलहरुको प्रदर्शनीलगायतका कार्यक्रमहरु हुनेछन् ।
यसअघि २०४१ सालमा यस्तै कार्यक्रमको आयोजना भएको थियो । सो कार्यक्रममा भूपि शेरचन, केशवराज पिडाली, शंकर कोइरालालगायतका स्रष्टाले सहभागिता जनाएका थिए।
