spot_img

spot_img

टी-ट्वान्टी विश्वकप : अरु देश सिरिज खेल्दै, क्यानले लगाउन सकेन प्रशिक्षककै टुंगो

काठमाडौं। उता यूएईमा टी-ट्वान्टी विश्वकप फाइनलको तयारी भैरहँदा यता नेपाली क्रिकेट समर्थकहरू सामाजिक संजालमा एउटा ट्रेण्ड चलाइरहेका छन्, ह्यासट्याग ‘वेक अप क्यान’। अन्तर्राष्ट्रिय क्रिकेट परिषद्(आईसीसी)को पूर्वनिर्धारित तालिका अनुसार सन् २०२२ को टी-ट्वान्टी विश्वकप क्रिकेटको छनोट प्रतियोगिता (ग्लोबल क्वालिफाएर) संचालन हुन तीन महीना मात्र बाँकी छ।

तर यता नेपाल क्रिकेट संघ (क्यान) कुनै तयारी नगरी सुतिरहेको आरोप समर्थकहरूको छ। त्यसैले सुतिरहेको क्यानलाई उठाउन उनीहरूले चलाएको ‘वेक अप क्यान’ ट्रेण्ड सामाजिक संजालको ट्रेण्डिङमा छ।

विश्वकप सम्पन्न हुनुअघि नै धेरै टिमहरूले अर्को वर्ष अष्ट्रेलियामा आयोजना हुने आउँदो संस्करणको लागि कार्ययोजना बनाउन थालिसके।  विश्वकप शुरु हुन १ वर्ष बाँकी छँदै क्रिकेटका ठूला राष्ट्रहरूले टी-ट्वान्टी फर्म्याटका क्रिकेट सिरिज खेल्ने कार्यतालिका सार्वजनिक गरिरहँदा छनोट प्रतियोगिता पनि खेल्नुपर्ने नेपालले खेलाडी छनोट, प्रशिक्षण र क्लोज क्याम्पको व्यवस्थापन त परको कुरा प्रशिक्षकसम्म टुंगो लगाउन सकेको छैन। समयमै प्रशिक्षक छनोट नगर्दा आउँदो विश्वकपको नतिजामा यसको प्रभाव पर्ने भन्दै खेलप्रेमीहरू चिन्तित छन्।

आईसीसीको पूर्वनिर्धारित समय अनुसार आउँदो फेब्रुअरीमै टी-ट्वान्टी विश्वकपको छनोट प्रतियोगिता हुने हो भने त्यसको तयारीका लागि नेपालसँग करीब तीन महीनाको समय मात्र छ।

यो विषयमा बुझ्न खोज्दा नेपाली क्रिकेट टिमका व्यवस्थापक विनोद दास भन्छन्, “सकेसम्म यो नोभेम्बरभित्रै प्रशिक्षकको टुंगो लगाएर विश्वकप छनोटको तयारी थाल्ने योजना छ। तर क्यानको बोर्डबाट स्विकृति नआएसम्म कुन दिन प्रशिक्षकको घोषणा हुने यकिन गरेर भन्न सकिन्नँ।”

नेपाली राष्ट्रिय क्रिकेट टिमका पूर्व कप्तान समेत रहेका विनोद दासका अनुसार क्यानले विश्वकपको ग्लोबल क्वालिफायरअघि तयारीस्वरुप दुई देशीय ‘बाइल्याटरल’ सिरिज आयोजना गर्ने योजना बनाएको छ। त्यस अनुसार विभिन्न देशसँग छलफल पनि गरिरहको छ। तर आवातजावतका लागि नेपालमा जति सजिलो छ त्यति कोभिड प्रोटोकलका कारण अन्य देशमा आवातजावत गर्न सजिलो छैन।

कोभिडका कारण आईसीसीले पहिले नै बनाएको क्रिकेटको ‘फ्यूचर टूर प्लान’ लाई अहिले मान्यता दिंदैन। हाल आईसीसीले सबै प्रतियोगिताका लागि आयोजना हुने मिति भन्दा करीब दुई महीना अगाडि मात्र खेल हुने सही मितिको जानकारी गराउँछ।

“आईसीसीसँग हाम्रो निरन्तर सम्पर्क भइरहेको छ। तर ग्लोबल क्वालिफायरको वास्तविक मिति हालसम्म पनि आईसीसीले निक्यौल गरेर हामीलाई दिएको छैन। आईसीसीबाट गत हप्ता प्राप्त सुचना अनुसार यो हप्ताभरीमा उसले मिति तय गरेर पठाउने बताएको छ। कम्तीमा  फेब्रुअरी दोस्रो हप्तायता क्वालिफायर हुँदैन,” दासले नेपालभ्यूजलाई बताए। उनले भने,“नेपालीले मात्रै हुन् आँखा चिम्लेर कोभिड छैन भनिरहेका,आईसीसीले मान्दैन। नेपालमा कोभिडको प्रभाव नभए पनि खेल हुने र खेलमा सहभागी हुने देशको कोभिडको अवस्था हेरेर आईसीसीले मिति तय गर्छ।”

टी-ट्वान्टी विश्वकपको छनोटको मात्रै नभएर आईसीसीले सन् २०२३ को एकदिवशीय विश्वकपको छनोटका लागि हुने विश्व लिग डिभिजन-२ का खेलहरू हुने मिति पनि निर्धारण गरेको छैन।

पूर्वनिर्धारित तालिका अनुसार लिग डिभिजन-२ अन्तर्गत नेपालको पीएनजी र यूएईसँगको एकदिवशीय सिरिज आउँदो सन् २०२२ को फेब्रुअरीमा हुने खेलतालिका छ। नामिबिया र स्कटल्याण्डसँगको सिरिज आउँदो मार्चमा संचालन हुने तालिका थियो। आईसीसीले ग्लोबल क्वालिफायरको वास्तविक मिति तय नगरेपनि नेपालले तयारी थाल्दा बिग्रिने त केही थिएन। उल्टै छनोटमा नेपालको प्रदर्शनमा सुधार आउन सक्थ्यो। तर सबै उल्झन प्रमुख प्रशिक्षकमा आएर अड्किएका छन्।

गत भदौमा तत्कालीन प्रशिक्षक डेभ वाटमोरले राजीनामा दिएपछि यसै महीनाको शुरुआतमा क्यानले नयाँ प्रशिक्षकका लागि आवेदन माग गरेको थियो। जसका लागि ६० जनाको आवेदन परेको थियो। यसपछि क्यानले प्रशिक्षक छनोटको लागि तीन चरणमा काम गरेको छ।

जस अनुसार पहिलो चरणमा प्रशिक्षक पदको लागि परेको आवेदनबाट मापदण्ड पूरा गरेकालाई मात्र ‘सर्टलिष्ट’ गरिएको थियो। दोस्रो चरणमा भने मापदण्ड पूरा गरेकाबाट पनि क्यानको छनोट समितिले योग्य र आफूले चाहे अनुसार मात्र छान्यो।

अब तेस्रो चरणमा छनोट समितिले क्यानको बोर्डलाई छनोटमा परेकाको नामावली बुझाउनेछ। अहिले छनोट समिति दोस्रो चरणमा काम गरेर १५ देखि १७ जना संभावित प्रशिक्षकको नामावली बोर्डलाई पठाउने क्रममा छ।

अब प्रशिक्षक छनोटको तेस्रो चरणमा भने बोर्डले यसमध्येबाट फेरि केहीलाई शर्टलिस्ट गर्छ र अन्तिममा उपयुक्त एक मुख्य प्रशिक्षक छनोट हुन्छ।

प्रक्रिया किन यति लामो ? यसबारे नेपाली क्रिकेट टिमका व्यवस्थापक दास भन्छन्,“यो राष्ट्रिय टिमको प्रमुख प्रशिक्षक छनोटको कुरा हो, हतारमा गरेर पछिल्लो पटक गरेको गल्ती दोहोर्‍याउन चाहन्नौं, त्यसैले आफ्नो गृहकार्य नगरी अब छनोट गर्दैनौं।” शर्ट लिस्टेड प्रशिक्षकको अन्य टिमसँगको आवद्धता, पहिलेको कमिटमेन्ट, पुरानो प्रदर्शन आदिको निरीक्षण गरिरहेको जानकारी उनले दिए।

अबका दुई सातामा प्रशिक्षक छनोट गरिसक्ने दाबी क्यानको छ। प्रशिक्षक छनोटपछि सबैभन्दा पहिले खेलाडी छनोटका लागि प्रतियोगिता आयोजना गर्ने छलफल बोर्डमा भइरहेको छ।

LEAVE A REPLY

Please enter your comment!
Please enter your name here

Latest

प्रेस सेन्टर नेपाल, पर्साले दुइ पत्रकारिता पुरस्कार वितरण गर्ने

वीरगंज, १० जेठ । प्रेस सेन्टर नेपाल पर्साले दुईवटा पत्रकारिता पुरस्कार वितरण गर्ने भएको छ । सेन्टरको जिल्ला समितिको बैठकले...

२१२ उद्योगमा ‘स्मार्ट इनर्जी मिटर’ जडान

वीरगञ्ज (पर्सा), ९ जेठः नेपाल विद्युत् प्राधिकरण वितरण केन्द्र वीरगञ्जले पर्सा र बारा जिल्लाका दुई सय १२ उद्योगमा ‘स्मार्ट इनर्जी...

ज्यान मुद्दामा आरोपित १८ वर्षपछि पक्राउ

वीरगज,८ जेठ/ जिल्ला प्रहरी कार्यालय, पर्साले कर्तव्य ज्यान मुद्दामा आरोपित एकजना फरार अभियुक्त १८ वर्षपछि पक्राउ गरेको छ। पक्राउ पर्नेमा तत्कालीन...

मेयर टी–२० कपः कलैयालाई पराजित गर्दै मोतीहारीले हात पार्यो

वीरगंज, ६ जेठ । कलैया क्रिकेट क्लबलाई पराजित गर्दै भारत मोतिहारीको योङ ११ ले आइतवार मेयर टी–२० कपको उपाधी हात पारेको...

वीरगंजका मेयर विद्यार्थीसँग कक्षाकोठामा भेटिए

पर्सा, ६ जेठ । वीरगंजका मेयर राजेशमान सिंह आइतवार बिहान ७ बजे बहुअरीस्थित शारदा मा.वि.को कक्षा १० का विद्यार्थीसँगै बसेर सिक्दै...

पोखरियामा प्रादेशिक अस्पतालमा स्तरोन्नति गर्न स्वास्थ्यमन्त्री यादवको निर्देशन

वीरगंज, ६ जेष्ठ । स्वास्थ्य तथा जनसंख्या मन्त्री प्रदीप यादवले पर्साको पोखरिया नगरपालिकास्थित पोखरिया अस्पताललाई प्रादेशिक अस्पतालका रूपमा स्तरोन्नति गर्ने प्रतिबद्धता...
spot_img
spot_img

सम्बन्धित समाचार

स्वर्णकारलाई गोली प्रहार गर्ने सुटर सुजित सिंह पक्राउ

कलैया, १० पुस । बाराको कलैयामा दिउँसै बाल एकता बोर्डिङ स्कुलका प्रिन्सिपल रूपेश स्वर्णकारमाथि गोली प्रहार गरी हत्या भएको घटनाका मुख्य अभियुक्त भारतीय सुटर...

बारा प्रहरीद्वारा एक करोड मूल्य बराबरको प्याज भन्सार चलान

वीरगंज, ९ पुस । जिल्ला प्रहरी कार्यालय बाराले असोजदेखि पुस ५ गतेसम्म एक करोड १ लाख ५८ हजार मूल्य बराबरको प्याज नियन्त्रणमा लिएर वीरगंज...

पर्सामा बाघले मान्छे खायो

पर्सा, ९ पुष । पर्साको पटेर्वासुगौली गाउँपालिका वडा नम्बर २ थरकट्टीमा बाघको आक्रमणबाट एक युवकको मृत्यु भएको छ । मृत्यु हुनेमा थरकट्टी गाँउका बाबुलाल...

महानगरको सडकमा रिफलेक्टर रोड स्टड लाइट बल्न छोड्यो

वीरगंज ९ पुस । वीरगंजको मुख्य सडकको दायाँ बायाँ सडकमा जडान गरेको अधिकांस सडक रिफलेक्टर रोड स्टड लाइट बल्न छाडेका छन् । गुणस्तरहीन ...

नेपाल बिएफएसआई समिट २०२३ सम्पन्न

वीरगञ्ज, ८ पौष/ नेपाल बैंकिङ, फाइनान्स एण्ड इनस्योरेन्स इन्स्टिच्युट र पिएचडी चेम्बर अफ कमर्स एण्ड इनडस्ट्रीको इण्डिया–नेपाल सेन्टरले संयुक्त रूपमा “नेपाल बिएफएसआई समिट २०२३”...

अपहरणमा परेका व्यक्तिको २४ घण्टा नबित्दै प्रहरी निरीक्षक मोहन विक्रम केसीको अगुवाईमा भारतबाट उद्धार ,

  वीरगंज, २० कात्तिक । पर्साको कालिकामाई गाउँपालिकाबाट अपहरणमा परेका एकजना वृद्धको भारतबाट उद्धार गरिएको छ ।   कालिकामाई गाउँपालिका ४ प्रशुरामपुर निवासी ७५ वर्षीय नथुनी साह...