गरिमा र श्रेया
काठमाडौं– गीतकार राजश्री बस्न्यात श्रेष्ठले अल्पायुमै गुमाउनु परेका २ जना छोरीहरुको सम्झनामा लेखेको गीत ‘आई मिस यु’ को म्युजिक भिडियो सार्वजनिक भएको छ । सेन्टिमेन्टल भर्सनको गीतमा ‘नेपाल आइडल ३’ कि विजेता गायिका सज्जा चौलागाईको स्वर छ ।
संगीतकार न्ह्यू बज्राचार्यको संगीत रहेको गीतमा गोपाल रसाइलीको संगीत संयोजन छ । भिडियोमा गीतकार श्रेष्ठसँगै गरिमा शर्मा र श्रेया सिटौला फिचर्ड छन् ।
उत्तम हुमागाईको छायांकन रहेको भिडियोमा प्रविण श्रेष्ठको सम्पादन, मनिकलाल श्रेष्ठ निर्माण तथा गीतकार श्रेष्ठकै परिकल्पना र निर्देशन छ । गीतकार श्रेष्ठको आधिकारिक च्यानल ‘राजश्री स्टोरिज’ मार्फत भिडियो सार्वजनिक गरिएको हो ।
