मनीषा काेइराला
मुम्बई(बलिउड लाइफ)– बलिउड अभिनेत्री मनीषा कोइराला ती अभिनेत्रीको सूचीमा पर्छिन्, जसले आफ्नो जीवनमा क्यान्सर जस्तो खतरनाक रोगलाई मात खुवाइन् । उनी कैयौं कार्यक्रममा क्यान्सरसँग जोडिएको आफ्नो अनुभव बाँड्छिन् ।
उनले आफ्नो दृढ अठोट र हिम्मतले क्यान्सरलाई हराउन सफल भइन् । मनीषाले नोभेम्बर ७ मा पर्ने राष्ट्रिय क्यान्सर जागरुकता दिवसको दिन क्यान्सरसँगका लडाईंको पुरानो तस्वीर सामाजिक सञ्जालमा राखेर स्मरण गरेकी छन् । उनले मानिसहरुलाई समाजमा क्यान्सरलाई लिएर जागरुकता फैलाउन आव्हान गरेकी छन् ।
उनले आफ्नो इन्स्टाग्राम एकाउण्टमा आफ्नो क्यान्सरको उपचारको समयको तस्वीर राखेकी छन् । ‘राष्ट्रिय क्यान्सर जागरुकता दिवसको मौकामा म ती सबैलाई शुभकामना दिन्छु र क्यान्सरको उपचारको कठिन समयमा गुज्रिरहेका बिरामीहरुलाई सम्झन चाहन्छु । मलाई थाहा छ कि यो यात्रा कठिन छ । तर तपाईं यी कुरामा मजबुत हुनुहुन्छ । क्यान्सरका कारण जो व्यक्तिको निधन भएको छ, उनीहरुप्रति सम्मान दिन चाहन्छु । जसले क्यान्सरलाई जिते, उनीहरुसँग उत्सव मनाउन चाहन्छु’, उनले लेखेकी छन् ।
मनीषाले राखेको तस्वीरमा उनी उपचारको क्रममा अस्पतालको शैयामा पोज दिइरहेकी छन् । यसबाहेक अन्य तस्वीरमा उनले आफ्ना परिचित व्यक्तिहरुसँग हँसिलो मुद्रामा देखिन्छिन् ।
