वीरगञ्ज १८ कार्तिक । आज व्यापारिक नगरी वीरगञ्जको मुख्य बजार क्षेत्र आदर्शनगर, माइस्थान, घण्टाघर क्षेत्र झिलिमिलीले ढाकेको छ । सबै टोलमा स्थानीयहरुले आ-आफ्नो घरलाई बेहुलीलाई झैं सिँगारेका छन् ।
हरेक वर्षकै भांति यस वर्ष पनि सामुदायिक सेवा केन्द्र तथा सामुदायिक प्रहरी वीरगञ्जले तिहार र छठ पर्वको बधाई साटासाट गर्न, एक आपसी भाई चारा बढाउन र वीरगञ्ज वासीहरुलाई मनोरञ्जन उपलब्ध गराउने उद्देश्यले झिलमिली बत्ती, स्याल्फी स्ट्यान्ड, लाइभ शो, स्ट्रिट फुड र दाइजो उन्मूलन हेतु स्थानिय कलाकारहरुद्वारा जनचेतना मुलक कार्यक्रमको आर्दश नगरमा आयोजना गर्ने भएको छ ।
आज परम्परा अनुसार लक्ष्मीपूजासँगै दिपावली मनाउने तयारी वीरगञ्जमा गरिएको छ । गत वर्षको तुलनामा बजारमा कारोबार भने केही राम्रो भएको व्यापारीहरुले प्रतिक्रिया दिए ।
