काठमाडौं । कतार, दुवई, मलेशिया लयायतका देशहरुमा वैदेशिक रोजगारका लागि गएकाहरु फर्कने क्रममा लुटिएको गुनासो आएपछि महानगरीय परिसर काठमाडौं वृत्त गौशालाको विशेष टोली त्रिभुवन अन्तर्राष्ट्रिय विमानस्थलमा परिचालित हुँदैआएको थियो ।
प्रहरी टोलीले लुटेराहरुको खोजतलास गर्ने क्रममा २०७८ कात्तिक ११ गते ९।३० वजे कतारको उडानबाट ओर्लनासाथ ट्याक्सी चढी दाजुको कोठामा जाने क्रममा सिनामंगल कार्गो गोदाम अगाडि लुट्नेलाई पक्राउ गर्न सफल भएको छ ।
दुई वटा मोटरसाइकलले ट्याक्सीको बाटो छेकी २ थान मोवाइल, ६ सय कतारी रियाल र २५ ग्रामको सुनको औंठी थान १ लुटी फरार भएका मध्ये २ जना लुटेरालाई सोमबार लुटेको मोवाईल थान १ र मोटरसाइकलसहित सहित महानगरीय परिसर काठमाडौ वृत्त गौशालाको विशेष टोलीले नियन्त्रणमा लिई वृत्त गौशालामा बुझाएको छ । लुटेराको बारेमा अनुसन्धान भइरहेको प्रहरीले जनाएको छ ।
वैदेशिक रोजगारबाट फर्कनेहरुलाई लुटपाट गर्ने २ जना पक्राउ ।
