वीरगंज । सिरहा मा अवैध औषधी सहित २ जना पक्राउ परेका छन् ।
पक्राउ पर्ने मा जिल्ला को बरियारपट्टि गाउँपालिका वडा नम्बर ५ बस्ने बर्ष १८ को राकेश कुमार यादव र टेम्पु चालक लहान नगरपालिका वडा नम्बर १ बस्ने बर्ष २२ को सत्रुधन राम रहेकोे प्रहरी ले जनाएको छ ।
लहान नगर पालिका वडा नं. १९ कटहा चौक स्थित ईलाका प्रहरी कार्यालय लहान बाट खटिएको प्रहरी टोलीले प्रदेश २-०१-००१ ह. ०६७३ नं.को टेम्पुलाई चेकजाचँ गर्ने क्रममा भारतबाट अबैध रुपमा भन्सार छली नेपाल तर्फ ल्याउदै गरेका दुबै जना लाई पक्राउ गरेको हो ।
ऊनीहरु को साथ बाट ३ लाख ३९ हजार ८४० रकम बराबरको १४ वटा कार्टुनमा लिकोटोन नामको २२५ एम.एल.को १०६२ बोतल बरामद गरेको हो । ऊनीहरु दुबै जना लाई नियन्त्रणमा लिई आवश्यक कार्वाहीको लागि भन्सार कार्यालय ठाडीमा बुझाईएको प्रहरी ले जनाएको छ ।
