काठमाडौं : नेकपा एमालेको स्थायी कमिटीको बैठक आज बस्दैछ। दिउँसो ४ बजे पार्टीको केन्द्रीय कार्यालयमा बस्ने बैठकमा वडा र पालिका अधिवेशनको रिपोर्टिङ र समीक्षा हुने केन्द्रीय कार्यालयका सचिव शेरबहादुर तामाङले जानकारी दिए।
बैठकमा राष्ट्रिय महाधिवेशनको मापदण्ड र कार्यतालिकाबारे पनि छलफल हुनेछ। अहिले देशभर एमालेको पालिका अधिवेशन जारी रहेको छ। कतिपय स्थानमा नेतृत्व चयन भइसकेको छ भने कतिपय स्थानमा नेतृत्व चयनको प्रक्रिया शुरु भएको छ। एमालेले यसै विषयमा छलफल गर्न भोलि केन्द्रीय कमिटीसमेत डाकेको छ।
